شعرت بوجوب كتابة هذه التدوينة بعد أن رأيت إيمان البعض بأن الفلسفة هى مضيعة للوقت وفناء للعمر. بل وصفت على إنها هرطقة! وعندها شعرت بخيبة أمل لأني لم أستطع إيصال قصدي للقارئ بشكل ملائم.
ربما كنت مخطئاً عندما كتبت أول تدوينة عن الفلسفة وكان يتوجب على تبسيط المعلومة قبل أن أستعرض علاقة الفلسفة بالدين ما بين الشرعية و الحرمانية!
لا أعرف لماذا قمت بتأخير نشر هذه التدوينة بعد كتابتها منذ ما يقارب الثلاث أسابيع ربما بسبب نفس الخوف المعتاد ممن لم يقرأ التدوينة بعناية ثم يقوم بتكفيري لذا عزيزي القارئ فضلاً احضر كرسياً مريحاً وكوب من الشاي الساخن و استرخي قبل أن تقرأ هذه التدوينة فالكلام كبير كبير كبير

لا تضيع عمرك في هرطقات الفلسفة -نصيحتي-..فلك عمر واحد وهو فرصة لا تتكرر..
أبو حامد الغزالي -رحمه الله- أضاع عمره في الفلسفة ثمّ ندم على ذلك..
ابن تيمية بعدما ملأ الأرض بعلمه وفقهه ندم على أنه لم يضيع عمره في القرآن..
خالد بن الوليد بعد فتوحاته العظيمة بكى وهو يحضن القرآن ويقول:شغلنا عنك الجهاد!!
أخي الكريم إن ديننا مليء بما يغنيك عن كتب الفلسفة وأمثالها من العلوم الغير نافعة..
وديننا كامل..ولذلك غضب النبي -صلى الله عليه وسلم- عندما رأى في يد عمر بن الخطاب -رضي الله عنه- صحيفة من التوراة(كتاب سماوي نزل على نبي)..
لأن النبي أراد أن يتخرج الصحابة (الجيل الذي لم يتكرر) على يد القرآن فقط مع أنه قد وجد في زمنهم فلسفات اليونان وأشعار الفرس وقوانين الرومان…
اقرأ كتاب (معالم في الطريق)لـ سيد قطب ..فقط اقرأ المقدمة والفصل الأول لتفهم كلامي أكثر..
والقرآن الكريم مليء بمثل أسئلة البشر والأجابة عليها..

كان التعليق مخيباً للآمال بعض الشيئ و لكن سراً وفي قرارة نفسي.. لقد سعدت به وذلك لأني مصاب بحالة من إدمان ‘التعليقات النقاشية’ فأنا شخص أحب النقاش حتى و إن ناقشت أحدهم في أتفه الأشياء.

ربما لم أرد على التعليق بما يليق وتأخر ردي بعض الشيئ لكن أن تصل متأخراً خير لك من ألا تصل أبداً ولذلك سأقوم بتحليل هذا التعليق والرد على كل نقطة على حدى بما جاء فيه:

1- وصف الفلسفة على إنها هرطقة وبعداً عن الدين

أعتقد أفضل تحليل هو التدوينه التي تم كتابة التعليق فيها ولا جدوى من أن أعيد نفس الكلام!

2- الفلسفة هى مضيعة للوقت

مع إني أكره أن وصف الفلسفة بالعلم لكن هى نوع من أنواع العلوم -شيئ لا جدال عليه- و العلم هو عبادة في حد ذاته. -أيضاً شيئ لا جدال عليه- إذاً كيف تكون مضيعة للوقت ويتوجب علينا تركها؟ ولو صح هذا الكلام لتركنا كل العلوم من منطلق إنها مضيعة للوقت و كأننا للمرة الثانية قد وسمنا التفكير و العقل بالعار و العيب!
العقل الذي هو معجزة من معجزات الله ومن أعظم ما خلق وآية من آياته لأنه مسئولاً عن النفس البشرية. والفلسفة هى نوعاً من أنواع التفكر في النفس البشرية. نوعاً من أنواع التفكر الكوني كما فعل أسلافنا من الأنبياء ومنهم من تفكر في الكون ومنهم من خص تفكره بمخلوق معين في الكون. فالتفكر في آيات الله تعالى الكونية هو من العبادات التي دعا إليها القرآن والسنة النبوية والسلف الصالح.

والعبادة من غير اقتناع ليست بعبادة بل تقليداً أعمى للأسلاف فأنا غير فخور بإني مسلم لأني ولدت مسلماً بل لأني فكرت في الإسلام ووجدته هو أنسب دين لي قبل أن يكون للبشرية. ودائماً أنظر للمسلم بالشهادة على إنه أفضل من المسلم بالولادة لأنه تفكر في الأديان واختار ديناً يناسبه. لم يختار ديناً فقط ليعيش حياة سهلة يتمتع بملذاتها فاعلاً كذا وكذا وكذا وهو مرتاح الضمير لأن دينه لا يحرمه بل رأى أن الدين الذي اختاره هو ديناً يساعده على حياته ويملأ المساحات الفارغة بها. ديناً يضيف له لا ديناً يضيف هو له.

الفلسفة هى ضرب من ضروب التفكير. وبالتفكير أصلاً عرف الإنسان الله وكون فكرته عن الخالق بوجه عام ولذلك لا أحب أن أوسم الفلسفة بوسم العلم لأني أرى الفلسفة كأسلوب حياة.
وذلك لأن الفلسفة لم تعد تقنع بالمعرفة النظرية بل أصبحت تحاول -بشكل جاهد- على تنظيم الحياة الإنسانية. وكل من أخذ الفلسفة نبراساً وطريقاً للتقدم ستجده قد إتجه بشكل تلقائي لدراسة العلوم (عبادة) وبذلك حققت الفلسفة مبدأ العبادة.
فيثاغورس: فيلسوف و.. عالم رياضيات
أفلاطون: فيلسوف و.. أديب عظيم
أرسطو: فيلسوف و.. عالم فيزياء وميتافيزيقا
ابن رشد: فيلسوف و.. طبيب، مترجم، أديب، سياسي، فيزيائي، عالم و مخترع و..و..و القائمة تطول


كل من أخذ الفلسفة وسيلة للحياة عرف أن العلم هو نفعاً للبشرية. ولو طبقناها على الشخص المسلم سنجد إنها تخدم الدين بشكل مباشر و هى عبادة فالعلماء ورثة الأنبياء. و العلم ليس مقتصراً على العلم الديني فقط بل على العلم الدنيوي أيضاً.

ولو كان من الأفضل أن نترك الدنيا ونعتكف بالمساجد لأشاد رسول الله محمد صلى الله عليه وسلم بالمعتكف بالمسجد والذي كان أخوه هو من ينفق عليه

دخل رسول الله صلى الله عليه وسلم المسجد، فوجد رجلاً لا يغادر المسجد وباقٍ فيه باستمرار، فسأله: من ينفق عليك؟ فقال: أخي. فقال له النبي -صلى الله عليه وسلم-: أخوك خيرٌ منك

نعم رأيناها كثيراً في الأفلام و مشاهد تفجير الكازينوهات العملاقة لكن أن تراها في أحياء صغيرة أو شوارع صغيرة كشارع نصوح بالزيتون (القاهرة مصر) هو أمر مفاجئ فحى الزيتون أصلاً ليس من أحياء كازينوهات لاس فيجاس العملاقة ولذلك كان هذا الفيديو مروع عندما رأيته، خصوصاً أن الشارع كان مزدحماً بشكل كبير.
ولننسى مشهد سقوط بيت محمد صبحي في المسلسل الشهير يوميات ونيس ولنرى كيف تنهار البيوت الحقيقية عندما إنهار هذا المنزل منذ حوالي الأسبوع (من تاريخ كتابة التدوينه)
لأن البيوت التي تنهار لا تنهار طوبة طوبة!

اللهم عافنا وعافاكم.

أثناء الأخبار المصرية و العالمية الحالية من موت على يد رجال شرطة ثم تنازل الدول عن حقوقها البترولية “علني” و المستوى الغير مشجع لمباريات كأس العالم والإختبارات الصعبة و التي تمنعني من رؤيتها قررت النوم حتى في وقت الإختبارات حتى أنسى. وعند إستيقاظي لا أعلم لماذا تذكرت (بدون أى مبررات) أحد المنتجات المصرية بأواخر الثمانينات و أوائل التسعينات. هذا المنتج هو “شبشب زيكو” والذي على رأى صديقي محمد القاضي بتويتر شبشب 5 نجوم من ناحية الشكل و الوظيفة.
قمت بالبحث عن صورة له لأتذكره و وجدتها! ثم وجدت هذا الفيديو الرائع له على يوتيوب و الذي أحتاجه كثيراً في هذه الفترة ليجدد من نفسيتي المتحطمة

تحذير: يحتوي الفيديو على بعض الألفاظ الخارجة نوعاً ما

أتمنى ان المقطع يكون اضحككم كما اضحكني و سلامات يا زيكو يا ذكريات قديمة

لو انت متابع كويس للأخبار التحتانية (وأقصد الأخبار اللي بتوجع تحت الحزام) أياً كانت بتوجع مين بس هي بتوجع وخلاص وساعات عشان بتبقى مطرقعة فا بتلسع كمان والمثل بيقولك: اللي طرقع ميتحسبش!
خلينا في موضوعنا مين ده؟

خالد سعيد

أيوة اللي في الصورة ده مين؟والله سؤال بسيط! لو عرفتوه أحييكم طلعتم متابعين كويسيين لكن لو معرفتهوش برضو مش مشكلة ممكن تقولوا عليه “بني آدم” عشان هو فعلاً كان إنسان وكائن حى.
ده يا جماعة كان شاب مصري اسمه خالد محمد سعيد ، إسكندراني و مكنش أكبر مني في السن بكتير (وكان عشان هو توفى) أه مات يوم الثلاثاء الموافق 8 يونيو 2010 لما كان قاعد في سيبر (نت كافيه) ودخلت المباحث عايزه تفتش (مش مشكلة) بس كل اللي عمله إنه سأل أنا بتفتش ليه !؟

كانت النتيجة انه إتنفخ على رأى كاتب فيلم عسل اسود (لو كنتم شفتوه) بس الفرق إنه لقى برضو اللي يفسيه بعد ما اتنفخ. يعني راح بدون أى ذنب!


أنا عايز أعرف بس هو راحت فين سياسة اضرب ضرب يوجع ميعلمش؟ مش هشتم في الأمن والشرطة والداخلية و كل ده لأن اهو ده الكلام اللي لا بيقدم ولا بيأخر بس هطلب طلب منهم إنهم يجيبوا اللي عملوا كده ويحاسبوهم.

بعد رؤية مبررات و أكاذيب الحكومة والـ!@#$ اللي حصل في الموضوع، مبقاش غلطة فرد من أفراد القمل (ﻻ مؤاخذة الأمن) لا ده بقى غلطة الوزارة ذات نفسها وكل اللي أقدر أقوله حسبى الله ونعم الوكيل فيكم يا عالم يا قذرة

كفاية كده داحنا بني آدمين برضو يا عالم! طيب انا مش هحكي القصة كاملة عشان هي أصلاً منتشرة على النت ومفيش فايدة إني أعيد نفس الكلام أو أنشر نفس الصور اللي تخلي أى حد فينا يقشعر ويطرش من القرف!
بصوا أنا مش هكمل كلام. مش عشان مفيش كلام يتقال لأ بس مش عايز أكمل عشان مبقاش من الشعب المصري اللي هو أصلاً شعب الكلام وبس وبحاول أعرف إيه اللي ممكن أعمله في الوقت الحالي غير الكلام…
كملوا انتم وقولولي إيه ده؟ مين ده؟ طيب ينفع كده؟

أجزاء سابقة:

1. فقر إيه ده يا محمود!
2. أين الحشيش يا ولاد الحناكيش
3. طب منين؟
4. تيك أا لوك اون ذا فيس بوك
5. سلوا قلبي

ده الجزء الخامس من سلسلة مصر بتتندم بينا ومش هقول تاني إن التدوينه القادمة تدعو إلى التفاؤل فلو كنت من المتشائمين.. كمل برضو يمكن تقرا حاجة تفيدك. ودي كانت المفروض تدوينه كاملة لكن قسمتها على أجزاء قصيرة تحت عنوان “مصر بتتندم بينا” من الندامة يعني. تدوينات إرتجالية لحظية مصرية.
وفي الجزء ده هستعرض قصيدة لسيد حجاب و القصيدة دي أبلغ من مليون كلمة.

سيد حجاب: سلوا قلبي

مش لاقي كلام يتقال النهاردة غير قصيدة “سيد حجاب” قارئاً لحال البلد:

سلوا قلبي وقولوا لى الجوابا … لماذا حالنا أضحى هبابا؟!
لقد زاد الفساد وساد فينا … فلم ينفع بوليسٌ أو نيابة
وشاع الجهل حتى ان بعضا … من العلماء لم يفتح كتابا
وكنا خير خلق الله صرنا … فى ديل القايمة وف غاية الخيابة
قفلنا الباب … أحبطنا الشبابا … فأدمن أو تطرف أو تغابى!

أرى أحلامنا طارت سرابا … أرى جناتنا أضحت خرابا
وصرنا نعبد الدولار حتى … نقول له (إنت ماما وانت بابا)
وملياراتنا هربت سويسرا … ونشحت م الخواجات الديابة
ونُهدى مصر حبا … بالأغانى … فتملؤنا أغانينا اغترابا
وسيما الهلس … تشبعنا عذابا … وتشبعنا جرائدنا اكتئابا
زمان يطحن الناس الغلابة … ويحيا اللص محترماً مهابا
فكن لصاً اذن أو عش حمارا … وكل مشّاً اذن أو كل كبابا
ودس ع الناس أو تنداس حتى … تصير لنعل جزمتهم ترابا
أمير الشعر عفواً واعتذارا … لشعركَ فيه أجريت انقلابا
وما نيل المطالبِ بالطيابة … دى مش دنيا ياشوقى بيه … دى غابة!!!

وعجبي!

أجزاء سابقة:

1. فقر إيه ده يا محمود!
2. أين الحشيش يا ولاد الحناكيش
3. طب منين؟
4. تيك أا لوك اون ذا فيس بوك

ده الجزء الرابع من سلسلة مصر بتتندم بينا وأحب أحذر للمرة التالتة التدوينة القادمة تدعو إلى التفاؤل فلو كنت من المتشائمين.. كمل برضو يمكن تقرا حاجة تفيدك. ودي كانت المفروض تدوينة كاملة لكن قسمتها على أجزاء قصيرة تحت عنوان “مصر بتتندم بينا” من الندامة يعني. تدوينات إرتجالية لحظية مصرية.
وفي التدوينة دي هنرجع نكمل كلام على الفقر بس عن طريق الكمبروتر و العنترنت إلى بقى في كل بيت وفي كل مكان.

بليز تيك أاا لوك اون ذا نيو فيس بوك

خلاص كفاية خرف نرجع للحقيقة الحلوة. الشعب المصري دلوقتي بقى شعب فيس توكي! كله عنده روتانا ومش قادر يغمض عنيه. وكله بقى على الفيس بوك. بابا وماما وخالتو وخالو و عمو وعمتو و جدو و جدتو ~ ومحدش يسألني الواو اللي في أخر كل كلمة دي بتعود على مين!
المصريين كلهم في التكنولوبيا و بيدخلوا على النت وده معناه ان الناس كلها معاها فلوس و جابت كمبيوتر من بتوع عروض شركة الإتصالات المصرية.. وكلوا بقى على الإنترنت ومقضيها ولا فرقت معاهم سياسة الإستهلاك العادل ولا حتى إنقطاع الكهرباء المستمر و إرتفاع أسعار الفواتير.
طب بُص إحصائيات بابا جوجل لعام 2009 عما أراد المصريون معرفته من الموقع (بعد حذف النتائج السيكو سيكو طبعاً) كانت كالآتي:

أكثر الأخبار طلباً في مصر كانت:

1. مصر والجزائر
   (وإشاعة الماتش هيتعاد ومصر هتتأهل. يا راجل خليك متفائل)
2. حفيد الرئيس مبارك
   (محدش دور ليه يا ولاد الـ!#$% عن جدتي ولا خالي ولا ابن خالي ولا عمي مش دول برضو ماتوا ولا دول بهايم؟)
3. الحرب على غزة
   (على أساس إننا هنروح نحارب.. وهنحارب هييييه هنحارب هييييييه)
4. أسيوط
   (أكيد كانوا بيحاولوا يعرفوا ثمن البهايم اللي بتتباع بخساً أو بتتسرق في أكثر محافظات مصر فقراً)
5. محمود سعد
   (لأ مش أبو منار محمود سعد بتاعة أغنية تعبانة)
6. الدراسة
   (التعليم يعني مش حى الدراسّة اللي جنب الحُسين والجمالية)
7. شوبير
   (حارس المرمى المصري و البطل الهمام)
8. داليا مجاهد
   (أول مستشارة مسلمة لأوباما ~ خسارة في جتت اللي جابوه)
9. كأس العالم للشباب
   (من تنظيم مصر وأهو مطلناش 2010 يبقى نفرح ببتاع الشباب بقى مش برضو البركة في الشباب؟ واهو اسمنا ماخدناش صفر في كله)
10. نتيجة الثانوية الأزهرية
    (عندي من زمان حقد شخصي على التعليم الأزهري عشان طول عمرهم كانوا بيخلصوا قبلي عشان انا كنت ثانوي عام)

أما عن أعلى كلمات البحث بوجه عام كانت:

1. أنفلونزا الخنازير
   (بسبب حالة الرعب العام و التي أدت بالتوقف عن إعلان عدد حالات الإصابة بعد ما بقى في الليمون و الإكتفاء بعدد الوفيات واللي برضو بعد كده توقفوا عن إعلانها)
2. ستار أكاديمي 6
   (فضايح الموسم السادس مين باس مين ومين حضن مين ومين وعد مين بالجواز)
3. المصرية للإتصالات الفاتورة
   (شبكة واحدة بتقربنا كلنا والحق قرب و الزق عشان مش هتلاقي مكان بعد كده)
4. محطة مصر
   (الإستعلام في إطار التكنولوجيا عن حالة قطارك قبل السفر ~ ولع ولا لأ)
5. موقع mazika4ever
   (شريط تمورة الجديد نزل يوووووه مش لازم أسمعه ولا إيه)
6. YouTube
   (أتفرج على الحفلات ده أنا سمعت إن تمورة راح يزرع شعر في لبنان بدل اللي وقع من القر و الحسد)
7. وزارة التربية و التعليم
   (قبل ما نزيد مولود لازم نتأكد إن مكانه على التختة هيبقى فاضي على الفُسحة كده)
8. الأبراج
   (نفسي أرسي على برج عشان أقول أنا برج كذا.. وأنت؟)
9. موقع الزمالك الرسمي
   (أكتر نادي قريب للشعب المصري عشان يشبهه في نكباته و جروحه و آلامه)
10. جريدة الشروق
    (المصرية و الجزائرية على حد سواء مش هتفرق كتير)

المزيد عن نتائج البحث بمصر

أجزاء سابقة:

1. فقر إيه ده يا محمود!
2. أين الحشيش يا ولاد الحناكيش
3. طب منين؟

ده الجزء الثالث من سلسلة مصر بتتندم بينا. ودي كانت المفروض تدوينة كاملة لكن قسمتها على أجزاء قصيرة تحت عنوان “مصر بتتندم بينا” من الندامة يعني. وخلاص هتبقى سلسلة تدوينات مش تدوينة واحدة.
مصر بتتندم بينا هى تدوينات إرتجالية لحظية مصرية. والنهاردة هتكلم عن بداية الندامة جت منين!

طب منين مصر بتتندم مش بتتقدم بينا؟

في البداية كان إسم التدوينة الطويلة “عمار يا مصر” وبعد كده فكرت.. هو مش مصر هى إحنا برضو؟ ولو فيها حاجة مش عجبانا يبقى إحنا سببها برضو؟
وتزامن التفكير مع شعارات “مصر بتتقدم بينا” واللي هو شعار من إحدى حملات الحزب الوطني الديموقراطي أوي.
أما بقى عن إستبدال القاف بالنون في ‘بتتقدم’ لتصبح ‘بتتندم’ فا ده إقتباس صريح من كتاب أدبي ساخر اسمه “الطبعة الحداشر” لكاتبه عصام منصور ~ واللي قرأت له الكتاب ده مؤخراً. بصراحة عجبني الاسم ولقيته مناسب جداً وقررت إستخدامه.
لأن زى ما قلت مصر هى إحنا، بس الوضع الراهن بيقول إننا أكيد داخلين على أيام سودااااااا – و إحنا اللي عملنا في نفسنا كده. يبقى بلاش نقول مصر بتتقدم لأن من الواضح اننا فاهمين التقدم غلط و النتيجة طالعه عكسية بشكل مش معقول.
والسلسلة دي مش هتخلص وهتفضل شغالة طول ما السلبيات موجوة. و بإيدينا بس هنحقق تغيير مصر. مش تغيير البرادعي ولا تغيير الحزب الوطني الديموقراطي أوي!
أموت و أعرف يعني قلدتوا الشعار وقلنا ماشي، لكن بلاش نظام حافظ مش فاهم ده! تغيير إيه اللي هينتج عن إنتقال السلطة من إيد واحد تابع للحزب الحاكم لإيد واحد تاني بيتفق في المفاهيم ونفس سُبل الإدارة وبرضو تابع لنفس الحزب الحاكم!؟

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

أنا بدعو كل فرد عاقل فاهم وشايف سلبيات في بلده إنه يكتب عن السلبيات دي من وجهة نظره طبعاً ~ تحت شعار مصر ببتندم بينا ~ ويبعتلي ويقولي على موضوعه عشان أقراه و أضيف رابط لكلامه هنا تبع السلسلة اللي كتبها شعب مصر مش أحمد حمودة بس! (يلا إعلان ببلاش أهوه)

أجزاء سابقة:

1. فقر إيه ده يا محمود!
2. أين الحشيش يا ولاد الحناكيش

ده الجزء التاني من سلسلة مصر بتتندم بينا وأحب أحذر مرة تانية التدوينة القادمة تدعو إلى التفاؤل فلو كنت من المتشائمين.. كمل برضو يمكن تقرا حاجة تفيدك. ودي كانت المفروض تدوينة كاملة لكن قسمتها على أجزاء قصيرة تحت عنوان “مصر بتتندم بينا” من الندامة يعني. تدوينات إرتجالية لحظية مصرية.
وفي الجزء ده هتكلم (و أظن واضح من العنوان) عن أزمة الحشيييييييييييييييش!

فين الحشيش يا ولاد الحناكيش

إسكتوا! مش أنا عرفت أن الحكومة كتر خير اللي جابوها كانت عاملة دعم على الهباب اللي بشربه (السجائر لمنع الفهم الخطأ) بس يا خسارة عرفت الموضوع ده بعد ما شالوا الدعم من عليها يعني متأخر أوي! في ظل هذه الظروف و بما إن ليس هناك أمل لبعض الناس للإرتقاء بحياتهم لعدم توفير الدولة للإمكانيات اللازمة للتطور فإن أخر ملاذ للشعب المصرى للخروج من الواقع المؤلم لمصر هو الحشيش.
يا حسرة! وإحنا لاقينه.. ده حتى بعد ما رجع تاني بعد إختفائه رجع إختفى تاني!
يا عبيط إفهم ده بس عشان هو كمان إتشال من عليه الدعم فا مينفعش يغليه عليك كده مرة واحدة لأ لازم يخليه يشح عشان لما سعره يرتفع تقول أه بس ده عشان مش موجود لكن افتكر إن الله مع الصابرين إذا صبروا وخلي بالك من إذا دي. بس خليك متفائل الحشيش هيرجع يعني هيرجع وهيبقى على قفى من يشيل ويرطرط من تاني و يغرق الدنيا وترجع ظاهرة إنتشار الدواليب (اللي عمرها بيتراوح بين 14 و 16 سنة) في كل مكان بس هيرجع بسعره العالي وانت مش هتأخد بالك عشان أنت أصلاً في غيبوبة ومش موجود.
طبعاً مش هقول إرتفاع أسعارها و الزيادة في الربح راحت في جيب مين! أصل صاحب العقل يميز و أكيد الكسبان هو هو اللي عارف ان الدواليب اللي عمرها 14 سنة شغالة وسايبها بمزاجه. و أكيد كده عرفنا سايبها ليه و.. عمار يا مصر!

أجزاء سابقة:

1. فقر إيه ده يا محمود!

تحذير هام جداً جداً: التدوينه القادمة تدعو إلى التفاؤل فلو كنت من المتشائمين.. كمل برضو يمكن تقرا حاجة تفيدك. ودي كانت المفروض تدوينه كاملة لكن قسمتها على أجزاء قصيرة تحت عنوان “مصر بتتندم بينا” من الندامة يعني. وده عشان متعبكوش معايا والتعليقات متبقاش متر ونص لكل تعليق (الناس هتقرا إيه ولا إيه) كما إنه من غير المستبعد إني أكتب في السلسلة دي تدوينات أزيد في المستقبل عشان دي تدوينات إرتجالية لحظية مصرية.
وده الجزء الأول منها

فقر إيه ده يا محمود!

مين قال إن مصر فيها أكتر من 60% تحت خط الفقر!؟ تفائلوا يا جماعة البلد زى الفل الشغل مغرق الدنيا و البطالة تكاد تكون منعدمة و العاطل بياخد شيئ وشويات من الحكومة كل شهر عشان ميمدش ايده للحرام او لشنطة طنط روحية في المترو (الاتنين حرام على حد سواء) و الناس كلها مبتسمة و رغيف العيش بقى قااااااااااااااااااد الطبلية. طب والدنيا ربيع و الجو بديع قافلي على كل المواضيع قفل قفل قفل قفل!
طبعاً مع صدور قرار بعلاوات على المرتب قيمتها 10% زادت الضرائب عشان تقدملك البلد رسالة واضحة وصريحة إن ما تعطيه حكومتك باليسار ستأخذ منك أضعافه باليمين (عشان البركة وقيمة اللي اتاخد منك متتعفرتش).
مين قال إن البلد في حالة تدهور و المقاصة عمالة ترتفع وتعلى وترتفع وتعلى لحد مبقناش عارفين هى رايحة فين! واللي معهوش فلوس عنده البرنامج الشهير لعبة الست… ياخد منه فلوس واللي مش قادر يروح، يتصل وبرضو هياخد نص فلوس الحلقة.
يا جماعة الناس دي معاها فلوس كتيرة ونفسها توزعها ده حتى شوفوا دي صورة من فاتورة تأجير معدات لمدة 9 أيام بس ودفعوا فيها تمن عربية محترمة و أهم حاجة السناك بوكس يعني الفلوس بالعبيط!
فين الفقر ده بقى؟ ده لما سألنا الكلاب كترت في الشوارع ليه ومبقيتش عارف أنزل أصلي الفجر في الجامع كانت الإجابة من مسئول رفيع (يعني خاسس شغلوا دماغكم) إن الكلاب و القطط كتروا عشان الزبالة كترت يعني الناس معاها فلوس وعماله تاكل زي البهايم. يبقى مين بس اللي قال إن عندنا حالة فقر لا دي الفلوس بتتنطور يمين وشمال!

أصابتني حُمى السفر و الترحال خلال الشهرين المنصرمين فقمت بزيارة الأقصر، أسوان، أبو سمبل، النوبة، البحر الأحمر، وادي النطرون، الإسكندرية، العلمين، سيوة، مرسى مطروح، وبعض محافظات الصعيد (الوجه القبلي) وبحكم دراستي غلب الطابع التاريخي على رحلاتي فكانت أغلب زيارتي للمتاحف، المقابر، المعابد، الأديرة و الكنائس.
وربما السفر أحد أهم العوامل وراء تغيبي عن مدونتي في الفترة الماضية. فالعمل بجانب الدراسة و السفر كان هو العامل المسيطر و المؤدي للغياب. و أعترف السفر كان أهم العوامل فبعد كل رحلة كان يتوجب على النوم و الاستراحه في بعض الأحيان لأكثر من يومان لأسترجع نشاطي المعتاد. وأعترف بأن أقوى صفة مشتركة بين هذه الرحلات جميعاً كان الإرهاق الشديد. ففي أحد الرحلات قمت بزيارة حوالي 5 محافظات بالوجه القبلي في يوم واحد لأستقر في نهاية اليوم و أقضي المساء في محافظة أخرى تماماً غير هذه المحافظات الخمس. ولكني …

أعترف بإني قد قضيت أفضل أيام حياتي خلال هاذين الشهرين الرائعين! بل سأحاول تكرار رحلاتي في العام القادم بإذن الله تعالى وربما أقوم بإضافة المزيد من الأماكن التي لم أقم بزيارتها بعد. فقد وجدت في السفر و الترحال المدرسة التي علمتني ما لم أتعلمه خلال سنوات عمري القصيرة
فقد تعلمت الاعتماد على النفس و الصبر و التحمل و الجرأة و المثابرة و الاستيقاظ مبكراً و النشاط وعدم التكاسل. كما أعادت وجبة الفطور (أهم وجبة على مدار اليوم كله) مرة أخرى لجدول وجباتي اليومي. والكثير الكثير من الدروس الجيدة. كما تعلمت الكثير عن الأماكن، الطبيعة، التاريخ، السياحة، المعاملات اليومية، الديانات المختلفة، ثقافات الأمم و الشعوب. كما تعرفت على أصدقاء جُدد في كل رحلة.

لكني أدركت شيئاً هاماً هو إننا مقصرون بشكل لا يوصف في حق السياحة الداخلية. فرأيت قاطن المدن الساحلية لم يطأ الشاطئ ولو لمرة واحدة خلال حياته وذكرتني برحلتي لمكة المكرمة بغرض أداء العُمرة عندما قابلت أحد الأشخاص المولودين بمكة ولم يصل بالحرم المكي الشريف ولو لمرة واحدة في حياته
يتهافت الأجانب على زيارة بلادنا ونحن لا نعرف ولم نر إلا القليل منها. وهذا داء عند العرب بوجه عام. مع إنها لن تكلفنا كما تكلف المقيمين خارج بلادنا.
صدقوني لا تبالوا بالإجهاد الجسدي فبعد الانتهاء من رحلتك والعودة لمنزلك ستتذكر هذه الرحلة و ستبتهج عند تذكرها كما يحدث معي كلما تذكرت الشهرين المنصرمين وستتمنى تكرارها يوماً ما.
بالمناسبة قائمة البلاد (خارج مصر) التي أتمنى زيارتها:

1. اليونان
2. فرنسا
3. المغرب
4. الإمارات (زرتها سابقاً لكن كانت زيارة سريعة ولم أستطع زيارة معالمها كاملة)

فماذا عنك ما هى البلاد التي تريد زيارتها و ما الذي يمنعك من ممارسة السياحة سواء داخلياً أو خارجياً؟